حياتي والحب والموت

الحياه هتسوى ايه بس وانتا هتروح تقابله
اعدت اسال نفسي ايه الي يخليني احس اني سعيد اوي في حياتي
واحد صاحبي قالي شوف ايه احسن حاجه في الدنيا واعملها تخليك سعيد حتى لو كانت حرام
الحاجه الحرام دي بقى ممكن تكون انام مع بنات او اشرب مخدرات او اشرب خمرا او اسرق واشتري عربيات وموبيلات
والواحد ملوش في اي حاجه في الحاجات دي خالص غير البنات يعني مليش لا في خمرا ولا مخدرات ولا اي حاجه بس هما البنات
ورجعت تاني اسئل نفسي انا ليه بسئل الاسئله دي كلها وبعكنن على نفسي وعرفت السبب ان حبيبتي ضاعت مني والحمد لله انها ضاعت
وعرفت بعد كده اني مكنتش بحبها وزعلت اكتر اني طشت في الحياه بسببها او اني اعدت اعلق في بنات واخدع فيهم وانام معاهم وكان قلبي مات .
قلبي كانه مات وانكسر منها وقررت انتقم من كل حاجه او في البنات لحد ما جت الانسانه التانيه في حياتي الي المفروض انها هدتني وقلت الحياه هتبقى حلوه اخيرا مع انسانه بتحبني بجنون لكن لقتني بتخنق من كل تصرفاتها وكل غيرتها عليا بقت حاجه بجد تخنق اوي لحد ما زهقت منها ومن كل حاجه فيها مبقتش اطيقها مع انها حبتني اوي
وقلت لنفسي وبعدين هيا متقفله ليه كده يعني اعمل ايه المفروض اني اتخرج واشتغل واتجوز وده الي هيخليني سعيد لقيت نفسي برجع لحياتي القديمه تاني وبرجع للضلال مع البنات .
ولقيت حبي الاولاني راجعلي وبيقولي نرجع تاني قلتله ماشي ومحستش خالص اني ممكن اكون بحبه او فرحان انه رجعلي بلعكس معتش بهتم بيها خالص وفجاه بتقولي ده واحد متقدملي قلتلها مبروك على طول وبعد ما عرفت مين العريس نصحتها وقولتلها بلاش ده بيخطبك بس عشان يغظني انا مسمعتش كلامي واسبوعين وانفصلوا وقالت ترجع تاني قلتلها ابدا وسبتها تعيط.
وبعدين فجاه لقيت قدامي واحده من الملايكه مثاليه في كل حاجه الادب والتربيه والعلم والاصل والنسب وحاولت اتقربلها لحد ما عرفتها بصعوبه وعرفت بعدين انها كانت بتحبني من زمان ففرحت اوي اوي وبعد كده بدات الحياه تبقى ممله معاها على طول بتذاكر على طول مفيش خروجات لحد ما زهقت وعرفت انها بارده جدا فقررت الانفصال .
بعدين رجعت ريما لعادتها القديمه ورجعت تاني لسكه البنات لحد ما جه الالم الي فوقني اوي والالم ده كان من اعز صاحب ليا لما عرفت انه عاوز ينسبلي طفل انا مليش علاقه بيه وهوا ابوه مش انا وعاوز فلوس مني يعمل عمليه اجهاض للبنت بحجه اني السبب والوضع بقى في انهيار ويهدنني بصور فاضحه خدهالي وانا مش عارف وحسيت ان الدنيا ضاقت بيا اوي اوي ووكمان الي زاد وغطى اني تعبت جدا جدا وحسيت بجد اني هموت بسبب اشتباه في مرض بعد الشر عن الجميع وحسيت بالم فظيع حسيت اني هموت دلوقتي وجه في دماغي سؤال واحد انا هقوله ايه لما اقابله وهقوله انا عملت في دي كده ليه ودي كده ليه ياترى هيسامحني يا ترى هيغفرلي كانت الاجابه طبعا لا مصيرك هيبقى جهنم ومن عند ربنا خفيت وحسيت اني بقيت انسان تاني بيصلي وبيصوم وبيعرف ربنا وبيدعي كل يوم ربنا يتقبل منه وهيا دي بجد اجابه السؤال ودي امتع حاجه في الدنيا هيا عباده ربنا سبحانه وتعالى